News details
നവോത്ഥാനത്തിന് തുടര്ച്ചകളുണ്ടാവണം: പി.കെ. ഫിറോസ്
March 11, 2017
ദോഹ: കേരള മുസ്ലിം നവോത്ഥാനത്തിന് ഇസ്ലാഹി പ്രസ്ഥാനം നല്കിയ സംഭാവനകള്ക്ക് തുടര്ച്ചകളുണ്ടാ വേണ്ടതുണ്ടെന്ന് മുസ്ലിം യൂത്ത്ലീഗ് സംസ്ഥാന ജനറല് സെക്രട്ടറി പി.കെ. ഫിറോസ് പ്രസ്താവിച്ചു. ഖത്തര് ഇന്ത്യന് ഇസ്ലാഹി സെന്റര് നല്കിയ സ്വീകരണ യോഗത്തില് സംസാരിക്കുകയായിരുന്നു അദ്ദേഹം. സമുദായത്തി നകത്തെ ജീര്ണതകള്ക്കെതിരെയും വിശ്വാസവൈകൃതങ്ങള്ക്കെതിരെയും സന്ധിയില്ലാസമരം നയിക്കുന്നതോ ടൊപ്പം സമുദായത്തിന് രാഷ്ട്രീയമായ ദിശാബോധം നല്കിയവരായിരുന്നു ഇസ്ലാഹിപ്രസ്ഥാനത്തിന്റെ പൂര്വികനേതാക്കള്. അന്ധവിശ്വാസ- അനാചാരങ്ങള് പൂര്വോപരി ശക്തി പ്രാപിക്കുന്ന സമകാലിക സാഹചര്യത്തില് തങ്ങളുടെ ബാധ്യതാനിര്വഹണത്തില് വീഴ്ച സംഭവിച്ചോ എന്ന് നവോത്ഥാന പ്രസ്ഥാനം ആത്മവിചിന്തനം നടത്തേണ്ടതുണ്ട്.
പ്രസിഡണ്ട് എന്.കെ.എം. അക്ബര് ഖാസിം അദ്ധ്യക്ഷനായിരുന്നു. ജ.സെക്രട്ടറി എം. ടി. അബ്ദുസ്സമദ്, സിറാജ് ഇരിട്ടി എന്നിവര് സംസാരിച്ചു.